galego | español
texto grande
buscar

Noticias

Lingua

luns, 14 de setembro de 2020
"O ESPECTÁCULO ‘OS BOLECHAS E A PORTA DOS CAMIÑOS’ PRESENTARASE ESTE SÁBADO NO GROVE"
foto
Catel da actividade

 

O obxectivo é fomentar a lingua galega entre a rapazada dun xeito divertido e participativo.

 

Os Bolechas achegaranse o sábado 19 de setembro á Casa da Cultura Manuel Lueiro Rey do Grove para presentar a actividade lúdica e didáctica Os Bolechas e a Porta dos Camiños. Será ás 18.30 horas e está organizada polo Servizo de Normalización Lingüística municipal, en colaboración coa Rede de Bibliotecas do Grove, e promovida pola Secretaría Xeral de Política Lingüística dentro do programa de dinamización lingüística  FalaRedes.

 

Os populares personaxes da literatura infantil galega creados por Pepe Carreiro mostraranlles á rapazada grovense e ás súas familias unha nova viaxe chea de aventuras e de diversión. Nesta ocasión preséntanlles a Haker Mater, un programador informático que está poñendo a punto a 'Porta dos Camiños', unha máquina que lles axuda a elixir un dos moitos Camiños de Santiago ás persoas que queren peregrinar pero non saben por que vía facelo. O que pasa é que a máquina leva 11 anos sen funcionar e parece que precisa algúns arranxos, e Os Bolechas son expertos en amañar cousas… Coa axuda do público conseguirán non só facer funcionar a Porta dos Camiños senón aprender unha chea de cousas sobre algunhas das principais vías de peregrinación. E mesmo lle axudarán ao Peregrino Faustino a elixir Camiño!

 

A entrada será de balde, mais a capacidade é limitada, polo que cómpre inscribirse previamente na Biblioteca Pública Municipal do Grove (de luns a venres, de 9.00 a 14.00 h), no teléfono 986 732 341 ou a través do correo electrónico biblioteca@concellodogrove.es.

 

Durante o desenvolvemento desta actividade respectaranse as medidas de seguridade, protección e hixiene establecidas polas autoridades sanitarias para a prevención da Covid-19.

 

 

 
Galería:
 
Webcam en Directo

axenda

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss