O Concello do Grove convoca o concurso de carteis para elixir o que anunciará a LX edición da Festa do Marisco

1ª)O cartel ten que levar preferiblemente, de xeito que se aprecie, o anagrama que o Concello do Grove ten rexistrado (centola coa cunca) ou similar e as datas nas que terá lugar a seguinte festa (do 5 ao 15 de outubro de 2023), ademais de incluír expresamente o nome de “Festa do Marisco. O Grove” e a edición e ano correspondentes.

2ª)As medidas do cartel serán de 30 x 45 cm, en sentido vertical e horizontal. E dicir, deberá presentarse unha versión en vertical e outra en horizontal.

3ª)O xurado é nomeado polo Concello do Grove e poderá actuar como tal a Xunta de Goberno Local ou o Consello Local de Turismo. O ditame será inapelable, aceptando os participantes as presentes bases polo feito de participaren.

4ª)A entrega do cartel impreso irá acompañada dun sobre pechado, dentro do que terá que constar o nome completo, dirección, teléfono e correo electrónico do concursante, así como dunha copia en dixital que conteña o bosquexo do cartel. As propostas que non resulten elixidas poderán ser recollidas polo autor/a no Concello do Grove. Cada concursante só poderá presentar unha proposta. As propostas deben entregarse no Rexistro Xeral do Concello do Grove antes das 14:00 h do día 3 de outubro de 2022.

5ª)O bosquexo gañador terá un premio de 600 euros.

6ª) A persoa premiada deberá adaptar o cartel a diferentes medidas que lle solicite o Concello, sen custo para o Concello.

7ª)A persoa premiada cederá tódolos dereitos de publicación, tanto do cartel coma calquera outra forma de impresión para programas e folletos, ao Concello do Grove.

8ª)A persoa premiada estará obrigada a presentar unha declaración responsable de atoparse ao corrente do cumprimento das obrigas tributarias (Estado, Comunidade Autónoma e Administración Local) e coa Seguridade Social, de conformidade co previsto no artigo 24.4 do RLXS.

DOCUMENTO BASES

Mais Información: alcaldia@concellodogrove.es

Presentación online como instancia xeral en:

concellodogrove.sedelectronica.gal/

Exemplos: