galego | español
texto grande
buscar

Noticias

luns, 19 de outubro de 2020
"O CONCELLO DO GROVE CONDENA AO PARTIDO POPULAR POR NON APOIAR A MOCIÓN DE DEFENSA DE THENAISIE PROVOTÉ"

 

O alcalde esixe unha reunión conxunta coa Xunta de Galicia, Comité de Empresa e Anfaco para buscar unha solución clara e viable.

 

O alcalde do Grove condena ao Partido Popular por non apoiar a pasada semana a moción presentada polo Grupo Socialista no Parlamento Galego na que se esixía unha solución para Thenaisie Provoté e se reclamaba o mantemento do emprego na fábrica de Rons. O debate xurdido, logo de que o Partido Popular anunciara o seu voto a favor, en torno ao feito de que a moción indicara que a oferta de compra debería manter “como mínimo o volume actual” fai acender todas as alarmas coas intencións reais da Xunta de Galicia neste proceso.

 

O Comité de Empresa trasladáralle ao alcalde do Grove que existía interese dunha empresa de fóra de Galicia, pero que esta non garantía o cen por cen do emprego de Thenaisie e que incluso é coñecido que esa empresa está traballando noutros puntos da provincia con menos do 50% do cadro de persoal orixinal, xa que se trata da produtora dunha marca que traballa segundo demanda. Queda claro que este plan non é o correcto para Thenaisie, polo que é necesario contar con empresarios galegos que si manteñan os postos de traballo.

 

Deste xeito, o feito de que o PP discutira no Parlamento a esixencia de manter a totalidade dos postos de traballo resulta, cando menos, sospeitosa e parece deixar entender que o plan previsto pasa por unha redución de emprego, algo que, en ningún caso, pode ser admitido. Xa que logo, dende o Concello do Grove considérase necesario e urxente que a Xunta de Galicia escoite ao Comité de Empresa e apoie tan só aquelas solucións que supoñan, como mínimo, o mantemento do emprego e das condicións de traballo actuais. Por todo iso, reclámase unha reunión na que estean presentes representantes do Goberno autonómico, do Comité de Empresa e tamén da Anfaco, como entidade sectorial de referencia.

Webcam en Directo

axenda

calendario
mes anterior novembro | 20 mes próximo
LMMXVSD
1
2345678
9101112131415
16171819202122
23242526272829
30

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss