O Concello acolle unhas xornadas de dinamización da estratexia do GALP

Fecha: 2016-05-26

Con motivo da concesión de axudas GALP Ría de Arousa cofinanciadas  polo Fondo Europeo Marítimo e de Pesca (FEMP) e a Consellería do Mar, convócanse unhas xornadas de dinamización para dar a coñecer as axudas, para o período 2014-2020, dotadas dun orzamento de máis de 5.588.443,91 €.

Estas axudas están destinadas a dous tipos de proxectos:

• Produtivos: as actividades  que supoñan a realización dunha actividade económica, tendentes a produción de bens ou servizos e que supoñan unha creación e/ ou mantemento de emprego.
• Non Produtivos: os que supoñan o inicio dunha actividade e /ou non esten afectos a unha actividade económica.Proxectos de interese público.

Para poder ser beneficiario das axudas débense cumprir os seguintes requisitos:

• Estar empadroados ou ter o seu domicilio social e fiscal en algún concello do ámbito territorial do GALP Ría de Arousa.
• Desenvolver o proxecto no mesmo ámbito territorial excepto os proxectos de colaboración con outros GALP.

Todos os proxectos deberan poder incluírse nalgunha das liñas estratéxicas do GALP para ser selecionados. A estratexia do GALP Ría de Arousa está comprendida en 6 grandes obxectivos:

1. Mellora da competitividade do sector pesqueiro de forma sostible.
2. Novas oportunidades a partir da Diversificación Económica: Turismo Mariñeiro etc.
3. Aproveitamento sostible do patrimonio medioambiental das zonas costeiras.
4. Fomento do benestar social e do patrimonio cultural.
5. Acadar maior implicación do sector pesqueiro no desenvolvemento sostible das zonas costeiras.
6. Fomento da cooperación.

Estes grandes obxectivos teñen como finalidade acadar un desenvolvemento xeneralizado da zona mediante a xeración de emprego e o apoio a aqueles proxectos innovadores que aporten riqueza  no territorio. Tamén pretendese atraer a mocidade para que encontre no territorio expectativas reais de futuro e darlle un maior protagonismo as mulleres, e en particular as mulleres do mar.

As xornadas terán lugar o vindeiro martes 31 de maio, ás 18.30 h na Sala das Cunchas da Casa do Concello do Grove.

Máis información na web: www.accioncosteira.es