As praias do Grove, excelentes

Fecha: 2016-05-27

A Consellería de Sanidade acaba de facer públicas as clasificacións sanitarias finais das zonas de baño para a tempada 2016. No relativo ao Concello do Grove, das 21 praias do municipio, 20 contan con cualificación de excelentes e 1 de boa. Trátase da confirmación a coñecida calidade das praias grovense, calidade que se reflicte nesta boa calidade das augas, na limpeza, nos servizos e as impresionantes condicións naturais dos areais da península.

Segundo a normativa vixente, durante a tempada de baño as administracións públicas teñen a obriga de informa e difundir ao público interesado “de forma activa, rápida e a través de mecanismos de fácil acceso nas inmediacións de cada zona de augas de baño a clasificación sanitaria e calquera prohibición de baño ou recomendación de absterse mediante unha sinalización sinxela e clara”. O Concello do Grove xa está traballando para que a información en todas as praias sexa este ano o máis completa e precisa posible. A continuación incluímos a táboa de cualificación da calidade das augas en cada praia: