A RESERVA ORNITOLÓXICA DO GROVE ESTARÁ PRESENTE HOXE NUN SEMINARIO DE SEO/BIRDLIFE

Fecha: 2020-05-28

O Seminario sobre a Custodia do Territorio e as Reservas Ornitolóxicas terá lugar hoxe xoves ás 16.00 horas de xeito telemático.

A importancia da Reserva Ornitolóxica do Grove segue a destacar en distintos foros. Neste caso, o colectivo SEO/BirdLife organizou un seminario sobre a Custodia do Territorio e as Reservas Ornitolóxicas no que, ademais doutros contidos, falarase da Reserva Ornitolóxica do Grove, os seus valores naturais e as actividades que esta asociación está a desenvolver a favor da conservación das aves e dos seus ecosistemas. A finalidade última desta actividade divulgativa é aprender algo máis sobre a “custodia do territorio” entendendo que é, para que serve e como se aplica.

No seminario participarán Ramón Martí, director de Desenvolvemento Institucional de SEO/Birdlife; Óscar Prada, da plataforma de Custodia do Territorio da Fundación Biodiversidade e coordinador do Grupo Local SEO/Castro; Gustavo Ferreiro, responsable da Reserva Ornitolóxica de SEO/BirdLife do Grove e Sofía Rivaes, responsable da Reserva Ornitolóxica de SEO/BirdLife en RietVell (Tarragona).

A xornada será realizada de xeito telemático e poderá seguirse no seguinte enlace a partir das 16.00 horas: https://www.youtube.com/watch?v=OgoVKhFk354