OS SERVIZOS MUNICIPAIS COMEZAN CO HORARIO DE VERÁN

Fecha: 2020-06-22

O reparto de quendas de traballo para o verán non contempla persoal para a cobertura de desprazados nin reforzos de tarde para xullo e agosto.

O próximo 1 de xullo comezará, como todos os anos, o horario de verán dos servizos municipais, que se estenderá ata o 30 de setembro. Durante este período haberá unha redución de 30 minutos diarios da xornada habitual de traballo, que quedará establecida de 8.00 a 15.00 horas.

O persoal dos servizos de Emerxencias (incluído o de socorrismo en praias), Policía Local, Obras e Servizos (incluídos augas, iluminación, cemiterio, recollida de lixo e limpeza viaria), Turismo e Medio Ambiente (incluído o de limpeza de praias), que por necesidades de servizo durante estes meses non pode reducir o seu horario, poderá facelo nos meses de outubro, novembro ou decembro. Esta medida xa lle foi comunicada ao cadro de persoal municipal.