REMATAN AS CLASES DE JUMPVERÁN CON NOTABLE ÉXITO

Fecha: 2020-08-21

Ata fins de agosto poderá seguirse facendo zumba ao aire libre na praza do Corgo.

As actividades postas en marcha polo Concello do Grove durante este verán —desenvolvidas ao aire libre e coas necesarias medidas de seguridade— conseguiron mobilizar un gran número de persoas cada día na praza do Corgo. No relativo á actividade “jumpverán”, que tiña lugar os luns e os mércores, remata unha semana antes do previsto por motivos persoais do monitor. Non obstante, os martes e os xoves, ata finais de mes, continuarán as clases de zumba no mesmo lugar ás 20.30 horas.

Dende o Concello do Grove incídese na importancia de manter unha boa actividade física para conseguir unha mellor calidade de vida, polo que a oferta deportiva, coas limitacións de seguridade necesarias, continúa na localidade.