REMATAN AS OBRAS DA RÚA CANTABRIA

Fecha: 2021-06-10

Coa colocación de papeleiras e novos farois de baixo consumo, estes días estanse a completar as obras comezadas hai seis meses nesta rúa do barrio do Sineiro. Os traballos máis importantes desta actuación foron o cambio das tubaxes de recollida de augas pluviais e de saneamento, que estaban en moi mal estado.

Cómpre sinalar que esta obra mostra o modelo de vía urbana do proxecto integral de reforma e mellora de varias das rúas do barrio do Sineiro, que se irán renovando proximamente a medida que o Concello vaia conseguindo fondos para tal fin.