Convocatoria de reunión cos colectivos do concello

Fecha: 2014-03-26

Aberta a reunión a empresas e persoas interesadas en coloborar con Noites Abertas.

A Concellería de Deportes e Xuventude invita a todos os colectivos do Concello do Grove a asistir a unha reunión que terá lugar mañá mércores ás 19.30 h na Casa Azul (entrada pola rúa Castelao).

Os puntos que se tratarán nesta xuntanza serán os seguintes: 

• Proposta de actividades dos colectivos
• Participación dos distintos colectivos no programa A noite é nova 2014. Actividades de ocio alternativo para as noites dos sábados dirixidas á mocidade.
• Informar das axudas Iniciativa Xove

Sobre este programa, Iniciativa Xove, haberá un obradoiro impartido por técnicos da Xunta onde se falará máis a fondo, o próximo mércores 2 de abril, ás 18.30 h na Casa Azul.

Iniciativa Xove é un programa que se pon en marcha dende a Dirección Xeral de Xuventude e Voluntariado, que consiste nunha liña de axudas pensada para que os mozos e as mozas poidan desenvolver ideas que, transformadas en proxectos e iniciativas de interese, poidan reverter na mocidade actual e na nosa sociedade.

Poderase participar de dous xeitos: a través de grupos informais de mozos e mozas ou ben desde as asociacións xuvenís e entidades legalmente constituídas.

As actividades serán planificadas e desenvolvidas pola mocidade, fomentando sempre a participación, a axeitada utilización do lecer, a calidade de vida e o benestar, a través de proxectos integrais e específicos de actuación que se propoñan.

Estes proxectos irán dirixidos á mocidade da nosa comunidade autónoma e poderanse desenvolver desde o 1 de xaneiro ao 30 de outubro. Quen se beneficie desta axuda poderá recibir ata 4000 €.