Xornada de portas abertas nas Salgadeiras de Moreiras

Fecha: 2014-05-14

Co gallo da conmemoración do Día Internacional dos Museos, o Concello do Grove anuncia unhas xornadas de portas abertas os próximos 17 e 18 de maio (sábado e domingo) nas Salgadeiras de Moreiras.

Ao longo destas xornadas, o público infantil que se achegue ao museo de Moreiras no seu horario de apertura (de 10.00 a 14.00 e de 16.00 a 20.00 h) será agasallado cun pequeno recordo.

A entrada será completamente de balde para todo o público que o visite neses dous días.