O Concello do Grove e o de Cambados organizan o Medio Maratón Maralba Running Fest 014
Fecha: 2014-07-23
A primeira edición desta carreira de 21.097 metros de percorrido disputarase o domingo 28 de setembro e unirá O Grove e Cambados.
Esta proba atlética nace coa intención de promover o marisco do Grove e o albariño de Cambados, de aí o nome de Maralba.
A organización estableceu as categorías promesas, sénior e veteranos, tanto masculinas coma femininas.
O prazo de inscrición xa está aberto e terá un custo reducido de 12 € ata o 28 de agosto e outro de 15 € desde o 29 dese mes ata o 24 de setembro.