Gas Natural comeza as obras de asfaltado da Rúa do Sol

Fecha: 2016-03-02

O Concello ten negociado un plan de asfaltado para as vindeiras semanas.

O Concello do Grove ten chegado a un acordo coa empresa Gas Natural para que esta emprenda o asfaltado das rúas en que ten feito as súas instalacións. Estes días xa comezaron as obras da Rúa do Sol, que continuarán nas restantes de inmediato. A data límite para rematalas está establecida no 19 de marzo.

O acordo acadado entre empresa e Concello supón que non se emprenderán novas obras de instalación ata que non se remate a corrección e a reforma daquelas que xa se abriran e non se asfaltaron adecuadamente. Deste xeito empresa e Concello tentarán evitarlles molestias aos veciños e veciñas e recuperar a normalidade naquelas zonas onde a instalación xa está rematada.