O mercado ambulante semanal terá lugar o vindeiro xoves

Fecha: 2017-01-02

Os postos instalaranse na praza do Corgo no horario habitual.

A feira semanal dos venres cambia de data esta semana por mor da celebración do día de Reis. Deste xeito, os postos instalaranse no horario e lugar habituais o xoves 5 de xaneiro. 

O mercado semanal non foi suspendido ningunha semana ao longo de 2016, e desenvolveuse incluso coincidindo coas festas locais e durante a Festa do Marisco (neste caso, trasladado a outra zona). Deste xeito, os traballadores deste mercado contaron co maior número de días posible para exercer a súa actividade. Precisamente o pasado 31 de decembro rematou o prazo de renovación das licencias do mercado do Grove, seguindo o procedemento administrativo habitual para o funcionamento desta actividade.