Antón Lezcano, gañador do Concurso de Carteis da Festa do Marisco de 2018

Fecha: 2017-10-10

O autor repite galardón co cartel.

O coruñés Antón Lezcano resultou gañador da LIV edición do concurso de carteis da Festa do Marisco. Baixo o lema de “Esmeca” presentou unha proposta composta pola carta náutica da zona do Grove e unha centola que recolle a meirande parte dos barrios da localidade. O xurado valorou esta chiscadela á estrutura local do Grove combinado coa coidada composición tipográfica.

O cartel foi presentado está mañá dentro do programa de actividades da Festa. Cabe destacar que o premio ascende a 500 euros logo da mellora das bases do concurso. Antón Lezcano tamén deseñou o cartel da actual edición da Festa pasando así a o exclusivo grupo de artistas e deseñadores que teñen conseguido máis dun premio. A partir de hoxe comezará a distribución da cartelería e a colocación de valos e material publicitario para lle dar a saída á promoción da LV Festa do Marisco do vindeiro ano.