O Concello do Grove informa sobre as restricións de tráfico previstas para o desfile de Entroido

Fecha: 2018-02-22

As restricións comezarán ás 9.00 da mañá na praza do Corgo e estenderanse polas rúas polas que está previsto o paso do desfile.

A Policía Local do Grove ten elaborado o correspondente dispositivo para lle dar cobertura ao desfile de Entroido que tivo que ser posposto para o 24 de febreiro. As restricións darán comezo ás 9.00 da mañá na praza do Corgo, onde se limitará o acceso de vehículos de cara a preparar a zona de chegada de carrozas e participantes. Posteriormente comezarase a prohibir o aparcamento nas rúas polas que pasará o desfile e o corte de tráfico farase efectivo ás 17.00 horas co comezo deste e prolongarase ata ao fin do Enterro da Sardiña.

Lembramos que a inscrición dos participantes poderá realizarse a partir das 15.30 horas na praza do Corgo (diante da Casa do Concello). Ao rematar o desfile terá lugar o Enterro da Sardiña, que sairá do Corgo e realizará o mesmo percorrido para, finalmente, incinerarse na mesma praza. Logo diso entregaranse os premios do desfile na rúa Castelao. O Concello do Grove repartirá máis de 4.000 euros en premios.

Máis datos sobre os cortes de tráfico no informe da Policía Local>