O Campamento Deportivo de Verán despídese esta semana

Fecha: 2018-08-28

Este mércores e xoves os rapaces e rapazas contarán cunha programación especial de despedida.

Co fin do mes de agosto rematan tamén as actividades dos campamentos de verán. No referido ao campamento deportivo, este mércores 29 de agosto están previstos diferentes xogos e actividades que culminarán coa entrega das medallas aos rapaces e rapazas participantes. Ademais disto, a rapazada de maior idade (ao redor de 90 persoas) desprazaranse o xoves seguinte ao Aquapark de Cerceda. A saída está prevista ás 10.00 horas desde a estación de autobuses e o regreso ás 20.30 horas. No referido ao grupo dos máis pequenos e pequenas, visitarán o Ecoparque de Marín o venres 31, con saída prevista ás 9.15 e regreso ao redor das 15.30 horas.