O consumo de racións na Festa do Marisco mantense como en anos anteriores

Fecha: 2019-10-08

As racións seguen a manterse nos números dos anos anteriores. Na xornada de onte luns acadouse a cifra de 7285 racións consumidas. O relevo de produto máis vendido colleuno o polbo; con 414 racións; seguido dos mexillóns, con 392 racións; do arroz de marisco, con 329; das empanadas, con 324; das navallas, con 270 ou as vieiras con 265. É de destacar que produtos con menos demanda como o percebe, a nécora ou o camarón están a repuntar este ano e, como o ano anterior, xa se acabou o cangrexo real.

Presentación do cartel da próxima Festa do Marisco

Ás 13.30 h tivo lugar a presentación do cartel que anunciará a próxima Festa do Marisco, nesta ocasión despregouse a lona co cartel da Cociña da Festa, na carpa degustación do mercado.

Concertos na Festa do Marisco

Esta noite actuará A Banda do Sequío, grupo local con varios anos de traxectoria e un público fiel ás súas intervencións na Festa.