Dulce Pontes subirá esta noite ao escenario dos Concertos do Marisco

Fecha: 2019-10-10

No día de onte o consumo de polbo con 484 racións e de mexillóns (443) xunto co arroz de marisco (442) foron os máis demandados. Seguen as empanadas (401), as zamburiñas e volandeiras (371), as navallas (291), as vieiras (270) e as ameixas (248). Seguen a subir os pedidos de percebes (178), ostras (172) e camarón (155).

Xornadas gastronómicas A Cociña do Mar

Durante todo o día están a ter lugar, na carpa institucional, as Xornadas Gastronómicas A Cociña do Mar. Abertas ao público ata completar a capacidade. Organizadas pola asociación de comerciantes Emgrobes, estas xornadas xa están consolidadas dentro dos actos da Festa do Marisco.

Concertos na Festa do Marisco

Comeza a fin de semana nos Concertos da Festa coa actuación de Dulce Pontes, que segue a liderar a música do país veciño, o seu estilo combina o fado tradicional con músicas máis contemporáneas.