SUBVENCIÓNS A ENTIDADES E CLUBS DEPORTIVOS PARA APOIAR O DEPORTE DE COMPETICIÓN FEDERADO PARA O ANO 2011.

Fecha: 2011-01-07

Convoca a Deputación Provincial de Pontevedra.

Esta convocatoria, destinada a clubs deportivos federados, márcase como obxectivo específico apoiar as entidades deportivas nas actividades derivadas da participación en ligas ou competicións oficiais de ámbito comarcal, provincial, autonómico ou nacional, convocados por organismos oficiais ou federacións deportivas galegas, nas modalidades deportivas de implantación na provincia de Pontevedra.

DESTINATARIOS: Poderán optar a estas axudas as entidades e clubs deportivos que cumpran os seguintes requisitos:

Carecer de fins de lucro (acreditándose declaración responsable do solicitante).
Estar ó corrente das súas obrigas tributarias coa Axencia Estatal Tributaria e coa Seguridade Social.
A modalidade practicada polos clubs federados ten que ter implantación na provincia de Pontevedra.
Estaren inscritos no Rexistro de asociacións deportivas da Dirección Xeral para o Deporte.
Non estar incursos en ningún dos supostos de incapacidade ou incompatibilidade para a percepción de axudas ou subvencións públicas. Non poderán ser beneficiarios destas axudas as entidades ou clubs deportivos que teñan pendente de xustificar subvencións concedidas no ano 2010 polo mesmo programa.
O prazo de presentación de solicitudes será ata o 3 de febreiro.
Máis información: http://www.depontevedra.es/