ÚLTIMOS DÍAS PARA SOLICITAR GRATUITAMENTE O AMAÑO DAS POSIBLES INTERFERENCIAS DO SERVIZO DE TELEFONÍA 4G NAS TDT

Fecha: 2021-07-21

Tal e como foi comunicado hai uns meses, a posta en servizo no noso municipio das estacións de telefonía móbil de 4ª xeración (4G na banda de 800 MHz) puido producir afectacións na recepción de televisión dixital terrestre (TDT).

Para solucionar estas afectacións e garantir que a posta en marcha das estacións base de telefonía móbil non lle afecte á recepción da TDT, a entidade LLEGA800 leva a cabo as actuacións técnicas necesarias nas instalacións de recepción das persoas usuarias de TDT. Estas actuacións son de balde para a cidadanía afectada.

Así pois, informamos que o vindeiro 31 de xullo de 2021 finalizará o prazo para que as persoas usuarias afectadas soliciten estas actuacións gratuítas polas posibles interferencias ocasionadas polas estacións 4G na recepción do sinal da TDT.

Recordamos que para seren atendidas e poder resolver estas posibles incidencias, as persoas usuarias terán que comunicar co teléfono gratuíto 900 833 999.