O CONCELLO DO GROVE INICIA A PROGRAMACIÓN DE NADAL O 6 DE DECEMBRO CO ACENDIDO DAS LUCES DE NADAL
Fecha: 2025-12-04
O Grove, 04/12/2025.- O Concello do Grove dará inicio á programación de Nadal co acendido das luces de Nadal o sábado 6 de decembro, ás 19.30 h, na Rúa Castelao. Esta programación conta co financiamento do Plan + Provincia da Deputación de Pontevedra.
Debido ás previsións de mal tempo, e co fin de non demorar máis o acendido, este ano non se contará con actuación musical pero, despois do acendido das luces de Nadal, O Concello do Grove ofrece unha atractiva programación de actividades para celebrar estas festas.
Festival de Panxoliñas
O 17 de decembro, a partir das 11.30 h, desenvolverase no Auditorio do Grove un Festival de Panxoliñas a cargo da Escola de Música “José Silva Torres” do Concello do Grove e dos Centros Educativos de Educación Infantil e Primaria da vila.
Neste festival participarán cinco coros infantís: un coro por cada centro educativo e un coro pola Escola de Música “José Silva Torres”.
Aldea do Apalpador
O Concello do Grove organiza, un ano máis, a Aldea do Apalpador, a cargo da A.C. Enxebre, os días 19, 20 e 21 de decembro en horario de 17.00 a 20.00 h.
Este ano A aldea estará emprazada na Praza de Arriba
Festival de Nadal da Asociación cultural Cantodorxo
O 21 de decembro, a partir das 19.00, a Asociación Cultural Cantodorxo, coa colaboración do Concello do Grove, ofrecerá o seu tradicional Festival de Nadal da Escola de Baile no Auditorio do Grove. A entrada é libre ata completar aforo.
Concerto audición da Escola de Música “José Silva Torres”
O 23 de decembro, ás 18.30 h, terá lugar no Auditorio do Grove a Audición de Nadal da Escola de Música “José Silva Torres” coa participación do seu alumnado e profesorado. A entrada é libre ata completar aforo.
Cabalgata do Papá de Nadal
O 24 de decembro O Papá do Nadal visitará O Grove para saudar a toda a rapazada.
A cabalgata do Papá do Nadal saíra ás 19:00 h desde a Rúa Castelao, percorrendo as rúas Castelao, da Praza, Beiramar, Luís Casais e Castelao.
Carteiro Real
Os carteiros reais visitarán O Grove os días 2 e 3de xaneiro para recoller as cartas da rapazada da vila e ofrecerlles un pequeno agasallo.
O día 2 o Carteiro Real, coa axuda da Asociación Roza do Pedrol, visitará a Casa da Cultura “Ángel Vázquez Hereder” a partir das 16.30 h
O día 3, o Carteiro Real visitará a Casa do Concello a partir das 16.30 h.
Gran Cabalgata dos Reis Magos
O día 5 de xaneiro os Reis Magos chegarán ao Grove.A cabalgata sairá ás 18:00 h desde o colexio Valle-Inclán, percorrendo diferentes rúas da vila ata a Praza do Corgo, onde ofrecerán o seu tradicional saúdo á vila do Grove e a recepción das Súas Maxestades de Oriente para toda a rapazada.
