Verán Cultural
Fecha: 2026-07-27
O Grove, 27 de xullo de 2026.- O Concello do Grove continúa esta semana coa programación do Verán Cultural con novas actividades para grandes e pequenos.
Circo na casa
O martes 28de xullo ofrecerase na Casa da Cultura “Manuel Lueiro Rey” o espectáculo de música, circo e clown “Circo na casa” a cargo de Mere Clown. Este evento, enmarcado na programación de Cultura no Camiño, ofrece unha experiencia única chea de humor e destreza circense.
A actuación de MeRe Clown destaca pola súa capacidade para combinar técnicas de circo contemporáneo coa comedia, creando un ambiente divertido e emocionante. Os espectadores poderán gozar dunha proposta artística innovadora que desafía os límites do circo tradicional.
Espectáculo de rúa ÑiquiÑaque
O martes 28 de xullo, a partir das 20.30 h na Praza do Corgo, representarase o espectáculo de rúa “Ñiqui Ñaque” do Centro Dramático Galego en coprodución con Espectáculos Valente.
Unha enxeñosa proposta escénica de rúa apta para todos os públicos que rende un sincero tributo aos antigos cómicos da lingua e ao teatro itinerante de sempre, entrelazando clown, máscara, acrobacias, monicreques de cachiporra e humor.
Baseado no soado texto orixinal do autor galego Cándido Pazó, ‘Ñiqui Ñaque’ preséntanos a historia de Cosme e Damián, dous cómicos da legua cuxa compañía itinerante atópase nunha situación crítica e ao bordo da disolución. Con todo, o seu destino dá un envorco inesperado ao recibir o encargo do Gran Duque: unha zumenta oferta económica para representar unha función especial con motivo das súas vodas de prata.
Fla Meco
Dentro do ciclo xoves musicais o xoves 30 de xullo, a partir das 21.00 h, a Praza do Corgo acollerá a actuación de FlaMeco.
As Letras de Begoña
O venres 31 de xullo, desenvolverase na Casa da Cultura “Manuel Lueiro Rey” o espectáculo de narración oral, ilustración e música “AsLetras de Begoña” a cargo do Colectivo Xurelo e financiado polo Servizode Normalización Lingüística e Servizos Lingüísticos da Deputación de Pontevedra.
Esta proposta inclúe narración, música e ilustración en directo para achegarlle á cativada a figura de Begoña Caamaño, a quen este ano se lle dedica o Día das Letras Galegas
Concerto Aires da NosaTerra
O domingo 2 de agosto, a partir das 20.30 h, ofrecerase na Praza do Corgo o concerto Aires da NosaTerra, a cargo da Banda de Música do Grove, con temas clásicos e outros enfocados á música galega.
