Disco das comparsas do Entroido 2011

Fecha: 2011-04-29

O disco compacto coa gravación das actuacións das comparsas do Entroido 2011 xa se pode retirar no punto de información da Casa do Concello, logo de entregar o bono que para tal fin se achegaba coa entrada do Festival de Comparsas que tivo lugar no pavillón de deportes o pasado mes de marzo.

Esta gravación, de máis de dúas horas, fíxose na Casa da Cultura Manuel Lueiro Rey o sábado 12 de marzo e inclúe as actuacións de Os da Bayuca, vencedores do festival deste ano, Os Güeros, Os Garoulos, Os Ultrasur, As Plus, Os Groveiros, Os Firrás, Os Golfiños de Vilanova e os Trancheiros de Vilaxoán.