A rúa de Castelao recupera o anterior sentido de circulación

Fecha: 2011-06-17

A Policía Local do Grove informa de que o vindeiro domingo, 19 de xuño, o tramo da rúa de Castelao que vai desde Luis Casais e O Pombal ata o cruzamento coa rúa de Luis Antonio Mestre e a Rúa da Praza vai cambiar de sentido de circulación, para recuperar o que tiña hai uns meses.

Por este motivo, entre as 10.00 e as 13.00 horas, estará prohibido circular polo antedito tramo e durante este período de tempo os vehículos estacionados deberán abandonar esa zona.

Ás 13.00 horas permitirase o tráfico no novo sentido de circulación.

A rúa Luís Seoane (desde a Rúa da Praza ata a rúa Luis Casais) continuará sendo peonil.