Éxito de convocatoria no curso para obter a Tarxeta Profesional da Construción

Fecha: 2011-07-28

 A Concellería de Economía, Facenda e Persoal do Concello do Grove, dirixida por Juan Luis Callón, anuncia o éxito na convocatoria da acción formativa organizada en colaboración coa Fundación Laboral da Construción.

O curso, dirixido a traballadores desempregados ou activos do sector da construción, ten o obxectivo de acadar a Tarxeta Profesional da Construción.

Ante o elevado número de participantes (24 en total) realizouse un cambio de lugar para a súa realización, e será impartido no Obradoiro de Emprego situado no Monte das Flores.

O curso comezou hoxe ás 09.00 horas e terá a súa clausura ás 18.30h.