Curso de Adestramento da Memoria

Fecha: 2011-09-05

O Concello do Grove convoca unha nova edición do Curso de Adestramento da Memoria, dirixido a persoas maiores de 65 anos e/ou pensionistas interesadas en conservar e/ou mellorar as súas capacidades memorísticas e cognitivas.

Os obxectivos deste curso gratuíto serán, entre outros, mellorar o rendemento da memoria e detectar a súa deterioración, así como reducir a ansiedade que provocan os fallos da memoria e aumentar a autoestima das persoas.

O Curso de Adestramento da Memoria iniciarase o día 21 de setembro e terá lugar todos os mércores en horario de mañá entre os meses de setembro a xuño na Casa de Xubilados/as e Pensionistas, detrás do mercado municipal.

A inscrición a este curso poderá facerse no despacho da psicóloga do Centro de Información ás Mulleres (CIM), no Edificio de Usos Múltiples (Casa Azul), situado na rúa Castelao, 173, os mércores 7 e 14 de setembro, entre as 9.00 e as 12.30 horas.

O Concello do Grove anima a aqueles veciños e veciñas maiores de 65 anos a que realicen este curso que, dunha maneira amena e entretida, os axudará a aprender técnicas para mellorar a súa capacidade cognitiva para o desenvolvemento das actividades cotiás.

Máis información:

* tel. 986 730 900

* Aida Filgueira Pérez

   e-mail: aida.filgueira@concellodogrove.com / tel.: 645 127 396