O Concello do Grove e a Deputación de Pontevedra levaron a cabo nas ultimas semanas o arranxo e creación de pistas, camiños e zonas de aparcadoiro

Fecha: 2012-01-05

Un total de máis de 15.000 metros cadrados foron os beneficiados pola actuación.

A colaboración entre estas dúas administracións fixo posible o arranxo, nalgúns casos, e a construción noutros de diversos camiños, pistas e incluso a creación dunha ampla zona de aparcadoiro nas inmediacións da igrexa de San Vicente, que lle vai dar un importante servizo aos veciños do lugar que habitualmente, cando asistían a distintos actos relixiosos, tiñan que deixar os seus vehículos nas beiras da estrada, ofrecendo en moitos casos situacións de verdadeiro perigo.

Temos que salientar a colaboración que unha vez máis a Comunidade de Montes de San Vicente prestou neste caso ao pór á disposición de todos os terreos necesarios para levar a cabo esta zona de aparcadoiro, que incluso nas datas do verán poderá prestarlle servizo ás praias, dada a súa proximidade aos areais.

As zonas beneficiadas polas melloras foron as seguintes:

En San Vicente do Grove,

• Zona de aparcadoiro no contorno da igrexa

• Baixada ás praias do Carreiro e Barreiriño

• Outeiro

• Rio dos Paus

• Temperáns

En San Martiño do Grove,

• O Altiño

• Paredes

• A Millán

• Virxe das Mareas

• O Porto de Meloxo

• A Carballeira

• As Senriñas

• As Bouzas