Xa se poden adquirir as invitacións para o Xoves de Comadres e Compadres

Fecha: 2012-02-09

O Entroido 2012 arrincará no Grove o vindeiro xoves 16 de febreiro coa celebración do Xoves de Compadres e Comadres, para o que xa se poden retirar as invitacións, a un prezo de 30 euros nos restaurantes participantes, que serán Casa Campaña, no caso delas, e Faro 2 e Don Mexilón, no deles.

O inicio desta celebración está previsto para as 21.00 horas, cando comadres e compadres se reúnan ás portas da Casa do Concello para posteriormente acudir aos restaurantes que elixirán, onde as ceas darán comezo en torno ás dez da noite.

Nos tres casos, o menú estará conformado por entrantes variados, lacón con grelos, sobremesas de Entroido, bebida e café. Ademais, a cea de Casa Campaña estará amenizada polo Dúo Prisma.