Programación Rede de Bibliotecas do Grove para o mes de marzo
Fecha: 2012-03-02
O 8 de marzo celébrase o Día da Muller Traballadora. A Rede de Bibliotecas do Grove quere contribuír a esta celebración coa seguinte programación de actividades de dinamización lectora:
Exposición bibliográfica: “Lecturas pola igualdade”
Nova exposición bibliográfica que amosa a selección da Rede de Bibliotecas do Grove para o mes de marzo. Trátase de lecturas que abordan claramente o valor da igualdade, dirixidas a público de diferentes idades: nenos e nenas, mocidade e adultos.
As lecturas para o público infantil e mozo son todas obras recomendadas na “II Guía de Literatura Infantil e Xuvenil non Discriminatoria” elaborada pola Asociación Galega do Libro Infantil e Xuvenil de Galicia (GALIX). Narracións en que tanto as cativas como os cativos se ven liberados dos roles de xénero máis esterotípicos; nas que o maltrato e a violencia, en calquera das súas formas, son claramente condenadas ou nos que se establece unha reflexión profunda a partir delas; nas que se valoran os saberes tradicionalmente considerados femininos; nas que se impulsan os valores de igualdade, paz e tolerancia a través da literatura e se achegan outras culturas para que se coñezan ámbitos diferentes ao europeo.
Sorteo de libros
Realizarase un sorteo de libros de “Lecturas pola Igualdade” infantís, xuvenís e de público adulto entre todos os usuarios e usuarias do servizo de préstamo durante o mes de marzo.
O sorteo terá lugar 30 de marzo na Biblioteca Pública Municipal. Os títulos son os seguintes:
Infantil:
- Ánxeles Ferrer: Tres princesas namoradas. Ed. Galaxia
- María de Mata: Un día de treboada. Baía Edicións
- Cristina F: Alfombriña. Baía Edicións
- Cuña Bóveda, A: A gata con botas. Laiovento
- Gil, Carmen: O sorriso de Daniela. Kalandraka
Xuvenil:
- Comino, Sandra: A casiña azul. Ed. Galaxia
- Fina Casalderrey: A lagoa das nenas mudas. Eds. Xerais
- Fina Casalderrey: A máscara de Palma. Ed. Galaxia
- Dereitos humanos
Adulto:
Dous lotes de:
- LÓPEZ, A. ; POCIÑA. A. Rosalía de Castro: Documentación bibliográfica y bibliografía crítica (3 tomos). Fundación Pedro Barrié de la Maza
7 de marzo. Visitas guiadas á biblioteca e actividades de formación de usuarios/as en colaboración co CIM e co alumnado do Taller de Adestramento da Memoria.
Así mesmo, todos os interesados/as en participar noutras visitas guiadas e actividades de formación de usuarios/as poderán informarse e solicitalo na propia Rede de Bibliotecas do Grove.
Coñecendo e gozando da biblioteca
Durante o mes de marzo estas actividades dirixidas á xente miúda de estarán centradas na temática de “Lecturas pola Igualdade”.
Club de Lectura
A Rede de Bibliotecas do Grove quere poñer en marcha un club de lectura dirixido a público adulto e que se reunirá na biblioteca pública municipal.
Para obter máis información e/ou realizar a súa inscrición, poden dirixirse á biblioteca, na rúa Monte da Vila, 11; chamar ao teléfono 986 732 341 ou realizar a súa consulta a través do enderezo electrónico biblioteca@concellodogrove.com.
Na primeira edición lerase e analizarase a obra Outono aquí, de Mario Regueira, gañadora da décimo oitava edición do Premio Manuel Lueiro Rey de Novela Curta.