Aprobada definitivamente e publicada a nova Ordenanza municipal de vaos e reserva de estacionamento

Fecha: 2012-04-16

Aprobada definitivamente, por non presentarse reclamacións na súa contra, a Ordenanza de vaos para a entrada e saída de automóbiles e reservas de estacionamento, que fora aprobada inicialmente polo Pleno municipal na sesión que tivo lugar o 26 de xaneiro do ano que andamos.

O seu texto íntegro saíu publicado no Boletín Oficial da Provincia de Pontevedra do pasado venres, 13 de abril, para xeral coñecemento e nel faise constar que contra o acordo e a ordenanza aprobada se pode interpoñer un recurso contencioso-administrativo perante o Tribunal Superior de Xustiza de Galicia, no prazo de dous meses, que comezarán a contar desde o día da publicación.