Axudas municipais para a adquisición de libros de texto e material escolar para o curso 2012-2013

Fecha: 2012-07-02

A Concellería de Igualdade e Benestar do Concello do Grove informa de que desde o 2 ata o 17 de xullo estará aberto o prazo de presentación das solicitudes de axudas municipais para a adquisición de libros e material escolar do vindeiro curso 2012-2013. Estas axudas van dirixidas a educación infantil, educación primaria e educación secundaria obrigatoria.

As axudas concederanse tendo en conta o nivel de ingresos familiares, sendo requisito imprescindible cursar estudos en centros sostidos con fondos públicos do concello do Grove.

As solicitudes presentaranse acompañadas da seguinte documentación:

• Fotocopia do DNI do/a solicitante

• Fotocopia do libro de familia.

• Certificado de convivencia familiar.

• Xustificante de ingresos familiares de todos os membros da unidade de convivencia, mediante declaración da Renda do exercicio do 2011 ou, no seu defecto:

            - Nóminas de ingresos dese mesmo ano

            - Certificados de empresa

            - Certificado de prestacións do Inem

            - Ingresos por pensión de la Seguridade Social

• Nota do colexio onde se faga constar o curso que se realiza.

O prazo de presentación remata o 17 de xullo e as solicitudes presentaranse no departamento de Servizos Sociais, Edificio de Usos Múltiples (Casa Azul), entrada por Beiramar.