Xa temos cartel anunciador da Festa do Marisco de 2013

Fecha: 2012-10-09

No concurso para elixir o cartel anunciador da 50ª edición da Festa do Marisco 2013 participaron quince carteis, de entre os que resultou gañador o de Javier Domínguez Ortiz. Javier xa é un habitual neste evento, posto que leva presentando propostas nestes últimos anos e mesmo gañou en dúas ocasións anteriores o concurso.

Por outra banda, lembramos que hoxe pola tarde ás 19.30 h actuará a escola de danza Va' Lontano. Nesta ocasión, entre doce e quince bailaríns interpretarán Danza Galega Contemporánea, alternativa ao Baile Rexional, que trata de "liberar a danza tradicional das súas coreografías, vestiario, estética e modernizalo dentro da danza contemporánea, con libertade de movementos para expresar os sentimentos que se atopan na música galega".