Menor participación dos empregados municipais do Concello do Grove secundando a folga xeral respecto á que tivo lugar no mes de marzo

Fecha: 2012-11-14

• Na anterior folga xeral do pasado 29 de marzo de 2012 a porcentaxe de seguimento da citada convocatoria foi do 39%.

O alcalde do Concello do Grove, Miguel Ángel Pérez, e o concelleiro de Economía, Facenda e Persoal, Juan Luis Callón, valoraron positivamente o escaso seguimento (32%) da folga xeral por parte dos traballadores municipais.

Con excepción dos servizos de recollida de lixo, limpeza viaria e prevención de drogas, onde o paro foi algo máis significativo, a tónica desta mañá foi a normalidade e a masiva asistencia dos traballadores aos seus postos de traballo, o que pon de manifesto, ao igual que o pasado 29/03/2012, o fracaso da citada convocatoria realizada contra a política económica do Goberno da Nación.

Total de folguistas: 33 (32%)

Incidencias máis significativas

Non se rexistraron incidencias en ningún servizo, situación que é de agradecer, xa que o exercicio do dereito á folga non debe ser motivo para dar lugar a incidentes que menoscaben a liberdade dos traballadores que queiran traballar ou prexuízos no patrimonio municipal.