Saída á neve

Fecha: 2013-02-22

As concellerías de Xuventude e de Deporte do Concello do Grove están a organizar unha “saída á neve” á estación de San Isidro (Puebla de Lillo, León) durante a fin de semana do 9 e 10 de marzo de 2013. A finalidade desta excursión é coñecer unha estación invernal de alta montaña e, para moitos dos participantes, iniciarse na práctica do esquí.

Está pensada para todo tipo de público e niveis de esquí: iniciación, medio e experto. Serán impartidas 3 horas de clase cada día (3 3), en grupos homoxéneos de 10 persoas como máximo, por monitores homologados da escola nacional de esquí. Todos aqueles menores de idade que decidan participar nesta actividade deberán facelo coa autorización dos seus titores e baixo a tutela dun adulto que eles designen.

O itinerario da viaxe sería o seguinte:

Sábado día 9 de marzo:

5:00-10:00 h Traslado O Grove- Estación San Isidro

10:00- 10:30 h Asignación de Material, forfait e monitores

10:30-13:30 h Clase de esquí en grupo con monitor

13:30-14:30 h Comida na estación de esquí

14:30-17:00 h Esquí libre

17:00-18:00 h Traslado estación-hotel (asignación de cuartos)

18:00-21:00 h Tempo libre

21:00-22:30 h Cea no hotel

Domingo 10 de marzo:

8:00-9:00 h Almorzo no hotel

9:00-9:30 h Traslado hotel-estación de esquí

9:30-12:30 h Clase de esquí en grupo con monitor

13:00-14:00 h Comida na estación de esquí

14:00-17:00 h Esquí libre

17:00-22:30 h Traslado San Isidro-O Grove

O prezo por persoa en cuarto dobre ou triplo é de 165 € (IVE incluído) e inclúe:

•  Autocar homologado durante o percorrido.
•  Estancia nun hotel nos arredores de San Isidro.
• 3 3 horas de clases.
• Aluguer de material de esquí alpino.
• Forfait de 2 días.
• …

Para poderse levar a cabo ten que haber un número mínimo de 30 participantes.

Lugar de inscrición: oficina de Deportes (Casa do Concello, 2.º andar)

Prazo: ata o 4 de marzo

Màis información: teléfono 657 464 277