Campaña de Verán 2013. Xunta de Galicia

Fecha: 2013-04-05

A OMIX informa de que a Consellería de Traballo e Benestar, a través da Dirección Xeral de Xuventude e Voluntariado, convoca, unha vez máis, a Campaña de Verán 2013, para favorecer que a xuventude empregue o seu tempo libre de verán participando en actividades de carácter lúdico, cultural, deportivo e formativo, que sirvan non só para divertirse senón tamén para o enriquecemento persoal e vital, ademais de ofrecer a posibilidade de coñecer outros territorios da xeografía nacional a través das actividades que se realizan noutras comunidades autónomas de España.

Acción de Verán'13 é un programa de actividades que ten lugar nos meses de xullo e agosto en quendas dunha semana ou de quince días, tanto en Galicia como noutras comunidades autónomas.

Podes escoller o campamento que prefiras en función da túa idade e das actividades que nel se oferten (náuticas, de multiaventura, teatro...)

Só tes que animarte a participar!

Participantes:

Os participantes deben ter a idade requirida para o campamento que se solicita. En canto as idades mínima e máxima para poder participar, cómpre destacar:

Os nacidos no ano 1995 non poderán cumprir 18 anos antes da finalización do campamento.
Os nacidos no ano 2004 deberán ter cumpridos 9 anos ao inicio do campamento.

Tipos de solicitudes

Individual: formulario que se incorpora como anexo II da orde reguladora.
Múltiple: formulario que se incorpora como anexo III da orde reguladora .

A solicitude múltiple admitirase para o suposto de ata catro irmáns/ás.

Equipararanse a este suposto os/as menores en situación de acollemento familiar.

Só se poderá empregar este tipo de solicitude para o caso de irmáns/ás que pidan a mesma instalación e quenda. Todos os/as menores que figuren nunha mesma instancia deben cumprir os requisitos de idade esixidos para as instalacións e quendas solicitadas. O incumprimento do disposto por unha das persoas participantes suporá a exclusión de todas as que figuren nesa mesma solicitude.

PRAZOS

Presentación de solicitudes	15 días naturais contados a partir do día seguinte ao da publicación da orde no Diario Oficial de Galicia do 2 de abril de 2013
Comprobación da recepción da solicitude	Transcorrido un mes desde a publicación da orde a persoa interesada deberá comprobar a recepción da súa solicitude na páxina web www.xuventude.net Nesta páxina aparecerá un enlace para consultar os datos das solicitudes. Para ter acceso a estes deberase incluír o número do DNI do/a pai/nai ou titor/a que cubriu a instancia, así como a data de caducidade dese DNI
Emenda erros solicitudes	Se as persoas interesadas atopan algún erro nos datos da solicitude ou non a atopan, deben chamar a calquera dos números de teléfono da Dirección xeral de Xuventude e Voluntariado que aparecen no anexo V. A comunicación dos erros deberá efectuarse, como data límite, ata tres días antes do sinalado para a realización do sorteo. Unha vez transcorrido ese día, contra os erros ou omisións de solicitudes non procederá reclamación ningunha. A presentación de solicitude implica a aceptación das normas deste procedemento.
Sorteo público ante notario	Nos 45 días seguintes á data de publicación da orde. 16 de Maio O día concreto de realización do sorteo anunciarase na páxina web de xuventude www.xuventude.net e terá lugar ás 12 horas dese día na sala de prensa da Consellería de Traballo e Benestar, sita na terceira planta das dependencias da devandita consellería no edificio administrativo de San Lázaro en Santiago de Compostela.
Documentación	Os/as participantes seleccionados/as deberán presentar a documentación no prazo de 15 días naturais contado desde o seguinte ao da realización do sorteo.
Chamadas aos participantes en listas de espera	A apertura da fase de reservas publicarase na páxina web www.xuventude.net cunha antelación mínima de cinco días.
Adxudicación das prazas de resultas	Estas prazas estarán expostas na páxina web www.xuventude.net, onde se anunciará a apertura da fase de resultas cunha antelación mínima de 5 días.

Prazo e lugar de entrega de solicitudes: As solicitudes poderanse presentar na Oficina de Información Xuvenil (Casa azul) ata o 15 de abril.

Máis información: http://xuventude.xunta.es/accion-de-veran.html