Aprobada definitivamente a Ordenanza de ocupación de terreos públicos con mesas e outro mobiliario

Fecha: 2013-08-29

O Pleno municipal do Concello do Grove, na sesión do 30 de xullo de 2013, aprobou definitivamente a Ordenanza municipal reguladora da actividade de ocupación de terreos de uso público con mesas e outro mobiliario e publícase hoxe o seu texto íntegro no Boletín Oficial da Provincia para que entre en vigor.

Edítase para xeral coñecemento e faise constar que contra o acordo e a ordenanza aprobada se pode interpor un recurso contencioso-administrativo perante o Tribunal Superior de Xustiza de Galicia no prazo de dous meses, que comezarán a contar desde a data desta publicación.