Aberto o prazo de inscrición no Curso oficial de monitor de actividades de tempo libre

Fecha: 2013-12-05

A Concellería de Xuventude do Concello do Grove organiza e subvenciona un Curso de Monitor de actividades de tempo libre, titulación oficial expedida pola Dirección Xeral de Xuventude e Voluntariado (Xunta de Galicia). O curso será impartido pola Escola de Tempo Libre Dajalca e por Isabel Naveiro.

A impartición do curso será durante as fins de semana, aproveitando as vacacións do Nadal dos estudantes (desde o 13 de decembro ao 12 de xaneiro) ata completar as 200 horas teórico-prácticas que comprende, ademais de 150 horas prácticas que hai que realizar nun prazo de dous anos.

O custo do curso é de 250 euros e inclúe o carné de manipulador de alimentos.

As persoas desempregadas e as titulares do carné de familia numerosa empadroadas no Concello do Grove recibirán unha axuda municipal de 75 € que se descontará directamente do custo total do curso. Ofrécense facilidades para facer o pagamento do curso: á hora de formalizar a matrícula aboarse 100 € mediante unha transferencia bancaria á conta da empresa que o imparte e o resto do importe poderase aboar nunha totalidade ou en varios prazos antes de rematar esta actividade formativa.

As persoas interesadas en participar no curso deberán cubrir a ficha de inscrición antes do 11 de decembro e entregala na OMIX (Casa Azul), xunto a ela acompañarán unhaa copia da transferencia bancaria, do DNI e da documentos xustificativos de estar desempregado ou de ser familia numerosa, de ser o caso.