Torneo de Fútbol Sala Nadal 2013

Fecha: 2013-12-20

A Concellaría de Deportes do Concello do Grove en colaboración cos alumnos de 4º da ESO dos institutos das Bizocas e Monte da Vila, van organizar unha vez máis o Torneo do Nadal.

As datas do campionato serán o 27, 28 e 29 de decembro.

Poderán participar un máximo de 16 equipos compostos por 10 xogadores. O único requisito para a súa formación é que estean compostos maioritariamente por xogadores empadroados no Grove.

A cota de inscrición é de 100 euros por equipo e o prazo de inscrición vai desde o xoves 19 de decembro ata o xoves 26 de decembro ás 12 do mediodía.

Haberá trofeos para os tres primeiros clasificados e premios en metálico de: 400, 300 e 200 euros, respectivamente.