VOLVEN AS ACTIVIDADES DEPORTIVAS DO CONCELLO DO GROVE

Fecha: 2021-09-21

Despois dun ano sen ofertar actividades deportivas debido á Covid -19, a Concellería de Deportes volve á normalidade coas actividades deportivas que viña programando en anos anteriores. A partir do xoves 23 de setembro ábrese o prazo de inscrición para as clases de piscina (ximnasia de mantemento en medio acuático), ximnasia de mantemento para maiores e ximnasia para adultos.

Quen queira inscribirse nas actividades pode facelo no Rexistro do Concello, situado no edificio administrativo municipal, en horario de 9.00 a 14.00 h, a partir do xoves 23 de setembro. Poden recollerse os impresos a partir do mércores 22 no propio edificio administrativo. As clases iniciaranse en outubro e seguen todos os protocolos para previr a Covid-19.

Tamén se retoman as rutas de sendeirismo que se realizan polo municipio. Serán todos os martes, xoves e venres a partir das 10.30 horas con saída desde o pavillón de deportes Monte da Vila. Son son gratuítas, pero é necesario anotarse previamente a través do teléfono 607 112 333. As rutas de sendeirismo inícianse o 5 de outubro e sempre que as condicións meteorolóxicas permitan a súa realización.

FOLLA DE INSCRICIÓN>