Notable aumento das reclamacións dos consumidores na OMIC o pasado ano

Fecha: 2012-01-09

Na Oficina Municipal de Información ao Consumidor (OMIC) do Concello do Grove en 2011 presentáronse un total de 193 reclamacións por escrito, o que supón un incremento de máis do 80% en relación ao ano 2010.

En cambio, as consultas presentadas este ano foron 505, o que significa que descenderon en relación ao ano 2010, no que se presentaron un total de 585.

Por sectores, o máis reclamado foi o das telecomunicacións, en concreto o da telefonía móbil, Interenet e fixa, co 60% do total das reclamacións.

A electricidade atópase no segundo lugar, co 14% do total, e aumenta en relación ao ano 2010, pero decrecen as consultas.

A seguir, o gas, concretamente as reclamacións contra empresas de revisión de instalacións, cun 5% das reclamacións.

É significativo o aumento de consultas e reclamacións sobre o sector financeiro, pois temos o dobre que no ano 2011, en que tivemos 3; en 2011 tivemos 6. No tocante ás consultas, o aumento tamén foi importante, xa que pasamos de 15 a 27.

Finalmente, cómpre salientar que na OMIC do noso concello non se tramitou este ano ningunha reclamación contra o a hostelería, e as consultas sobre este sector tamén sufriron unha baixada.